EBIGAMBO BY'OBUJJANJABI MU LUGANDA / LUGANDA MEDICAL AND ARTISANS' TERMINOLOGIES

Kiikino kifulumye

ENSOMESA YA SSAAYANSI

Dr Proscovia Namayanja:
Yee, ndowooza nti kiyamba omwana okutegeera, naye abasomesa tebatera kukozesa mukisa ogwo. Balowooza nti omwana okuyiga Olungereza alina okulwogera buli kiseera. Ebiseera ebisinga abasomesa ba Biology  (essomo ly'ebintu ebirina obulamu) be balina omukisa ogusinga okukozesa ennimi enzaaliranwa, kuba bye basomesa bye bintu ebya bulijjo era ebyokulabirako bingi.
Mu pulayimale: "Division" kitegeeza kugabanya, numerator gwe muwendo gw'ogabanya, denominator be bantu b'ogabanyiza. Ekyokulabirako: 1/2 nnina omucungwa gumu ngugabanyiza abantu babiri (kyenkanyi) era buli omu afuna kimu kyakubiri, 6/2 kitegeeza nti nnina emiyembe 6 ne ngigabanyiza abantu 2 (kyenkanyi) buli omu afuna 3, 7/3 kitegeeza nnina entuntunu 7, nzigabanyiza abantu 3(kyenkanyi). Buli omu afuna entuntunu 2 ennamba, ne wasigalawo emu. Eno erina okugabanyizibwa abantu abo abasatu, era buli omu afunako kimu kyakusatu (1/3). Omugatte buli muntu afuna entuntunu 2 ennamba ne kimu ekyokusatu 2(1/3); n'ebirala.
 
Bwe nali nsoma mu siniya (1-4) ku St. Peter's Nsambya tebavvuunulanga, anti abaana baabanga bangi ate nga bava mu bitundu bya njawulo. Naye mu siniya 5 ne 6  Mw. Luyimbaazi olw'olumu yawanga ebyokulabirako mu Luganda, anti twali abayizi 8 ffekka mu kibiina.
Obadde okimanyi nti "carnivorous plants"   bitera kulya buwuka obuba bugudde ku bikoola byabyo? Ebimera bino bitera okuba n'obwoya obukambira bisobole okukwata ebiwuka, oba ebikoola byabyo bimanyi okwebikkula n'okwewumba (okufaananako ne mukoweewumbeko) singa wabaawo ekiwuka ekiguddeko.  Ebisinga biba ne langi ezaakaayakana okusikiriza ebiwuka.
 
(Dr Proscovia Namayanja musomesa wa Kubala mu yunivasite ya Kwazulu Natal mu South Africa).

Okusomesa ssaayansi mu nnimi ennansi kiyambako okumutegeera?

Dr Proscovia Namayanja:
Yee, ndowooza nti kiyamba omwana okutegeera, naye abasomesa tebatera kukozesa mukisa ogwo. Balowooza nti omwana okuyiga Olungereza alina okulwogera buli kiseera. Ebiseera ebisinga abasomesa ba Biology  (essomo ly'ebintu ebirina obulamu) be balina omukisa ogusinga okukozesa ennimi enzaaliranwa, kuba bye basomesa bye bintu ebya bulijjo era ebyokulabirako bingi.
Mu pulayimale: "Division" kitegeeza kugabanya, numerator gwe muwendo gw'ogabanya, denominator be bantu b'ogabanyiza. Ekyokulabirako: 1/2 nnina omucungwa gumu ngugabanyiza abantu babiri (kyenkanyi) era buli omu afuna kimu kyakubiri, 6/2 kitegeeza nti nnina emiyembe 6 ne ngigabanyiza abantu 2 (kyenkanyi) buli omu afuna 3, 7/3 kitegeeza nnina entuntunu 7, nzigabanyiza abantu 3(kyenkanyi). Buli omu afuna entuntunu 2 ennamba, ne wasigalawo emu. Eno erina okugabanyizibwa abantu abo abasatu, era buli omu afunako kimu kyakusatu (1/3). Omugatte buli muntu afuna entuntunu 2 ennamba ne kimu ekyokusatu 2(1/3); n'ebirala.
 
Bwe nali nsoma mu siniya (1-4) ku St. Peter's Nsambya tebavvuunulanga, anti abaana baabanga bangi ate nga bava mu bitundu bya njawulo. Naye mu siniya 5 ne 6  Mw. Luyimbaazi olw'olumu yawanga ebyokulabirako mu Luganda, anti twali abayizi 8 ffekka mu kibiina.
Obadde okimanyi nti "carnivorous plants"   bitera kulya buwuka obuba bugudde ku bikoola byabyo? Ebimera bino bitera okuba n'obwoya obukambira bisobole okukwata ebiwuka, oba ebikoola byabyo bimanyi okwebikkula n'okwewumba (okufaananako ne mukoweewumbeko) singa wabaawo ekiwuka ekiguddeko.  Ebisinga biba ne langi ezaakaayakana okusikiriza ebiwuka.
 
(Dr Proscovia Namayanja musomesa wa Kubala mu yunivasite ya Kwazulu Natal mu South Africa).

Amannya g'emiwendo egitali gimu mu Luganda

Abaganda biki bye baabalanga?

 

ABAGANDA AB'EDDA OKUBALA BATUUKE NE KU KATABALIKA (TRILLION) OLOWOOZA BAALI BABALA KI?

OMUGANDA yava dda ng'abala era kyewuunyisa okulaba nga leero bazzukulu ba Kintu bangi tebamanyi kubala, tebaagala kubala era bakutya.

Omuganda bwe yabanga abala ng'ennukuta okuva ku 1 okutuuka ku mwenda ezo aziyita nsusuuba. Okuva awo atuuka ku kkumi (10). Kuno bw'ayongerako 0 endala ekyo kifuuka kikumi (100).

Ku kikumi bw'ayongerako 0 olwo aluyita lukumi (1,000). Ku lukumi bw'ayongerako 0 olwo aweza ky'ayita omutwalo (10,000) Ate wano bw'ayongerako 0 ate ezo aziyita kasiriivu (100,000). Bangi zino baziyita mitwalo 10 naye mu mbala y'Abaganda entuufu kino tekiriiyo. Omuganda bw'aba abala buli lw'ayongerako 0 ng'akyusa erinnya.

Ku kasiriivu bw'ayongerako 0 ezo aziyita kakadde (1,000,000). Akakadde bwe kava mu bukadde kawumba noolwekyo ku kakadde bw'oyongerako 0 ziba kawumbi (10,000,000). Zino abaziyita obukadde ekkumi baba tebabala mu mbala y'Abaganda entuufu.

Bw'ova ku kawumbi olwo Omuganda aba abala kafukunya (100,000,000). Kano ke boogerako akaagula Mukono.

Okuva ku kafukunya odda ku kase (1,000,000,000). Okuva ku kase odda ku keesedde (10,000,000,000) olwo n'olyoka odda ku kakumi (100,000,000,000). Awo oba otuuse ku katabalika (1,000,000,000,000).

Wabula ekitakuza abantu emitwe kye kibuuzo nti Omuganda owedda okubala atuuke ne ku katabalika (trillion) ddala yali abala ki? Waliwo abagamba nti Omuganda yali abala mboozi nti Abaganda baagala nnyo emboozi nti era waabangawo abanyumya abalungi abaagendanga ewa Kabaka okumunyumiza nga bano baatemanga ebiti era buli mboozi omunyumya gye yamalirizanga nti ekyo ekiti kimu, ng'akizza wabbali nti bano be baabalanga ebiti by'emboozi ne batuuka ne ku katabalika!.

Abalala bagamba nti baabanga babala munyago, nti Abaganda baalwana entalo nnyingi era omugabe bwe yakomangawo ng'abala omunyago gwonna alyoke agwanjulire Kabaka nti muno mwe mwali abalwanyi bannamige abaaleetanga akatabalika k'omunyago.

Kyokka abalala bagamba nti baalinga babala mmunyeenye nti kirabika waliwo Kabaka eyawa musajjawe eddimu ery'okubala emmunyeenye nti ono yabala bwe yatuuka ku katabalika (trillion) n'akoma nti Abaganda kye bava bajerega omuntu aba tategeera bigenda mu maaso nti ali mu kubala mmunyeenye.

Ggwe olowooza otya?

ABAGANDA AB'EDDA OKUBALA BATUUKE NE KU KATABALIKA (TRILLION) OLOWOOZA BAALI BABALA KI?