Ebyava mu kunoonyereza ku bitabo ebiwandiikiddwa mu nnimi ennansi mu Uganda bifulumye

Okunoonyereza kwali kwagala okuzuula obungi bw'ebitabo ebiwandiikiddwa, ennimi ze biwandiikiddwaamu, omutindo gwabyo, ebiti mwe bigwa, abaabikuba, bbeeyi yaabyo n'ebirala ntoko ng'ekigendererwa kwe kulaba oba biri ku mutindo ogwetaagisa era  n'okumanya n'ennimi za Afrika ezirina ebitabo mu nnimi ennansi ebiri ku mutindo ogwetaagisa okusomebwa abaana bano abato.

Wano mu Uganda akakiiko ka Luganda Lusoga Lugwere ke kaakulembera okunoonyereza kuno nga Muky. Pamela Batenga ne Margaret Nankinga be baali abakwanaganya b'okunoonyereza ate nga munnakakiiko omulala Mw. Mutale Ttendo ne Dr. Sam Andema okuva mu yunivasite y'e Kyambogo be baakola okunoonyereza.

Abakugu bagamba nti omwana ayanguyirwa nnyo okuyiga okusoma n’okuwandiika ssinga abeera n’obutabo  bw’asoma, awaka w’abeera ne ku ssomero gy’asoma.

Ebyavudde mu kunoonyereza okwakolebwa ku bitabo mu nnimi ennansi biraga nti Uganda erina obuzibu  kubanga omuwendo gw’ebitabo bino mu nnimi ennansi gukyali wansi ate nga bo abaana aba nassale kumpi  tebalina bitabo bya nnimi ennansi ebibayigiriza okusoma.

Okunoonyereza kuno (Survey  of Children’s Reading Materials in African Languages in  11 Countries) kwazuula  ebitabo ebiri mu nnimi ennansi 33 eza Uganda.  Ennimi ezaasinze okuba n’ebisomebwa abaana abato mwabaddemu  Oluganda, Olulugwala  (Lugbara) n’Olulahho (Langi).

Uganda yatandika enkola esomesa abaana mu nnimi ennansi okuva mu kibiina ekisooka okutuuka mu Kyokusatu,   mu mwaka 2007 ng’egenderera okwagazisa n’okwanguyiza omuyizi okuyiga okusoma ng’atandikira mu lulimi lwe olukozesebwa awaka n’abantu  mu kitundu mw’abeera. Kyokka ekimu ku bikyalemesezza enkola eno okuvaamu ebibala eby’omuzinzi ebyali bisuubirwa kwe  kuba nti   ebitabo by’ennimi ennansi ebyetaagisa okukozesebwa abaana bano abato ebiriwo tebimala.  

Okunoonyereza kwazudde nti ebitabo ebiyigiriza abaana okusoma mu  nnimi ennansi bikyali bitono ng’ebitabo ebyazuuliddwa mu kiti kino byabadde 786 mu nnimi 33 eza Uganda. Oluganda lwe lwabadde lusinza ebitabo nga lwabadde na 182 ng’ebisinga byebyo ebikozesebwa mu kusomesa mu kibiina.

 Ebitabo ebiriwo  tebimala kutuukiriza ekigendererwa ky’abaana okuyiga okusoma n’okuwandiika mu nnimi zaabwe.  N’ebyo ebitabo ebitono ebiriwo si kyangu kubibunyisa eri abandibisomye kubanga bbeeyi y’okubikuba mu kyapa eri waggulu  ate nga ne bannyinibyo tebabissa mu nkola ey’olukale (creative commons) esobozesa abalina obusobozi okubizaaza ne byeyongera okwala.

Lipoota eno eraga nti emu ku nsonga ezivuddeko  ebitabo by’ennimi ennansi ebisomebwa abaana bano abato okuba ebitono be bazadde abataagala nnimi zaabwe  nga bagamba nti zireeta enjawukana, bbeeyi y’okukuba ebitabo okuba waggulu nayo eremesa okukuba ebitabo naddala mu nnimi ezoogerwa abantu abatono. 

(Soma lipoota eno mu bujjuvu mu Lungereza)

DERP SURVEY FULL REPORT

Lipoota eraga ebyava mu kunoonyereza mu Uganda.

DERP SURVEY FULL REPORT1

Lipoota yonna mu bujjuvu

Abayizi bannyonnyodde Kabaka ssaayansi w'omubiri mu Luganda

Abayizi b'essomero lya Janan e Bombo mu Luweero nga bannyonnyola Kabaka (ku kkono) engeri emmere gy'etambulamu mu mubiri ng'ennyinyonnyola yonna baagikoze mu lulimi Oluganda.

Abayizi b'essomero lya Janan e Bombo mu Luweero nga bannyonnyola Kabaka (ku kkono) engeri emmere gy'etambulamu mu mubiri ng'ennyinyonnyola yonna baagikoze mu lulimi Oluganda.

AKAKIIKO KATANDISE OKUSSAAWO EBIBIINA ABAANA MWE BAYIGIRA OKUSOMA OLUGANDA MU MASOMERO

Omumyuka w'omukulu w'essomero lya Nansana C/U pulayimale, Muky. Ester Araka Oluoch (ku kkono) ng'ali ne bannakakiiko ka Luganda Lusoga Lugwere oluvannyuma lw'okutandikawo ekibiina ky'abasomi  (readers club), abayizi mwe banaayigira okusoma ebiwandiiko by'Oluganda n'ennimi endala ennansi mu ssomero lino. Abalala ye Muky. Margaret Nankinga pulezidenti w'akakiiko (addiridde Ester), Mw. Mutale Ttendo, Muky Joyce Naluggya Tomusange, Muky. Pamela Batenga ng'ono ye muwi w'amagezi ne Mw. Fred Lukabwe Kisirikko.

Omumyuka w'omukulu w'essomero lya Nansana C/U pulayimale, Muky. Ester Araka Oluoch (ku kkono) ng'ali ne bannakakiiko ka Luganda Lusoga Lugwere oluvannyuma lw'okutandikawo ekibiina ky'abasomi (readers club), abayizi mwe banaayigira okusoma ebiwandiiko by'Oluganda n'ennimi endala ennansi mu ssomero lino. Abalala ye Muky. Margaret Nankinga pulezidenti w'akakiiko (addiridde Ester), Mw. Mutale Ttendo, Muky Joyce Naluggya Tomusange, Muky. Pamela Batenga ng'ono ye muwi w'amagezi ne Mw. Fred Lukabwe Kisirikko.

Yiino emmunyeenye ya Kyaggwe
Yiino emmunyeenye ya Kyaggwe
Atwala Bukedde Tivvi1 Semei Wessaali (owookubiri ku ddyo) ne Henry Nsubuga nga bakwasa , Gerald Matovu engule y'Emmunyeenye ya Kyaggwe. Ku kkono ye Ssekiboobo.
Omutaka Wilson Ssentoogo y'omu ku beetabye ku mpaka z'olulimi Oluganda ez'akamalirizo ez'amasomero ga sekendule mu Kyaggwe. Zaawanguddwa Gerald Matovu, Mukono High.
Ebimu ku birabo ebyagabiddwa mu mpaka z'Oluganda
Ssekiboobo ng'ayogera eri abaabadde ku mpaka zino. Emabega be basomesa abeegattira mu kibiina kya Kyaggwe Luganda Teachers Development Forum abaategese empaka zino.
Abamu ku bakontanyi; okuva ku kkono ye Gerald Matovu eyaziwangudde, Dorcus Joy Katana okuva mu St .Stephen's SS Mukono Musisi Pinto ne Wangalya.

OKWANIRIZA

Nkwanirizza ku mukutu gwaffe guno ogwa Luganda Lusoga Lugwere cross border language commission.

Weegazaanye

Luganda Lusoga Lugwere cross border language commission kakiiko ka African Academy of Languages

Luganda Lusoga Lugwere cross border language commission kakiiko ka African Academy of Languages

AMAWULIRE

May. 3, 2014

Ebyanjula

Apr. 26, 2014

Bafunye omukutu

Apr. 26, 2014

Akakiiko kasazeewo ku nkuluze

Apr. 29, 2014

Asabye Gavt. ku kukulaakulanya olulimi

Apr. 8, 2014

Kaminsona yeeyamye ku nnimi

May. 3, 2014

News in brief

May. 3, 2014

ENGERO ZA BAJJAJJA

Ssaabawandiisi akyalidde abaakakiiko mu Kampala
Ssaabawandiisi akyalidde abaakakiiko mu Kampala
Polofeesa Sozinho Fransisco Matsinhe (ku ddyo) bwe yabadde ayogera n'abaakakiiko, Muky. Joyce Naluggya Tomusange ne Mw. Mutale Ttendo ku Lwokutaano nga 30 May 2014.
Omulung'amya w'akakiiko, muky. Pamela Batenga (ku kkono) ng'ono kaminsona mu kitongole ky'ebyobuwanga bwe yabadde awuliriza Polof. Sozinho ng'ayogera.
Munnakakiiko Muky. Peggy Namakula naye yabaddewo
Abayizi basindanye mu mpaka z'Oluganda
Abayizi basindanye mu mpaka z'Oluganda
Pulezidenti w'akakiiko ka Luganda Lusoga Lugwere Margaret Nankinga ng'akulisa omu ku bayizi 16 abaayiseemu Ku kkono ye Minisita J. C. Miyingo
Ekitontome
Ekitontome
Abayizi ba Seeta High Mbalala nga batontoma ku bukulu bw'olulimi Oluganda.
Ensiitaano
Ensiitaano
Abamu ku bayizi okuva mu masomero mukaaga abaasindanye mu mpaka z'olulimi Oluganda.
Abaakakiiko e Rwanda
Abaakakiiko e Rwanda
Abaakakiiko ka Luganda Lusoga Lugwere cross border language commission nga bakyalidde ekijjukizo ky'ekittabantu mu Rwanda.
Asabye gavumenti ku nnimi ennansi
Asabye gavumenti ku nnimi ennansi
Pulezidenti wa Luganda Lusoga cross border language commission Margaret ng'ayogera eri abayizi. Yasabye Gavt. okussaawo ekitongole ekikulaakulanya ennimi ennansi.
Abamu ku bakontanyi abaabadde mu pulogulaamu ya Wakulennume ebeera ku WBSTV. Wakulennume pulogulaamu y'olulimi Oluganda   ku  WBSTV ng'ekigendererwa kyayo ekikulu kwe kukuuma n'okuzimba olulimi Oluganda. Mu pulogulaamu eno bagezaako n'okuzimba ebigambo ebipya mu lulimi Oluganda naddala ebyo ebibadde tebinnakyusibwa mu Luganda. 
Omuwanguzi wolunaku , asuumusibwa n'atwalibwa ku mutendera oguddako olwo omuwanguzi ne yeefunira ekirabo ssemalabo.

Abamu ku bakontanyi abaabadde mu pulogulaamu ya Wakulennume ebeera ku WBSTV. Wakulennume pulogulaamu y'olulimi Oluganda ku WBSTV ng'ekigendererwa kyayo ekikulu kwe kukuuma n'okuzimba olulimi Oluganda. Mu pulogulaamu eno bagezaako n'okuzimba ebigambo ebipya mu lulimi Oluganda naddala ebyo ebibadde tebinnakyusibwa mu Luganda.
Omuwanguzi wolunaku , asuumusibwa n'atwalibwa ku mutendera oguddako olwo omuwanguzi ne yeefunira ekirabo ssemalabo.

Ssaabawandiisi wa African Academy of Languages Polofeesa Sozinho Matsinhe (ku kkono) ng'ayogera mu lukung'aana akakiiko ka Lusoga Luganda Lugwere mwe kaatongolezebwa, e Kigali Rwanda

Ssaabawandiisi wa African Academy of Languages Polofeesa Sozinho Matsinhe (ku kkono) ng'ayogera mu lukung'aana akakiiko ka Lusoga Luganda Lugwere mwe kaatongolezebwa, e Kigali Rwanda

Comments

Barnabus Iga

09.12.2016 08:59

Mwebale omulimu gw'okukulaakulanya ennimi zaffe ennansi.

Barnabus Iga

09.12.2016 09:16

Weewaawo. Nja kuweereza bye nsobodde. Waliwo obutabo bungi obwa bakadde baffe nga Kawere, Mpalanyi, n'abalala obwabula nga ne bw'obunoonya mu matundiro g'ebitabo, tobufuna. Nsaba akakiiko kabulwaneko.

Nankinga Margaret

09.12.2016 09:05

Weebale kusiima Barnabus. Naawe twegatteko, bw'oba olina ekiwandiiko kyonna ekikwata ku lulimi ky'oyagala abalala basomeko, oyinza okukimpeereza ne nkissa ku mukutu gwaffe guno.

Sowate Samson

10.11.2015 07:04

Banaange bakagwa mwasyenyiwa kuba nga mbagotereku olwisi kiba tikyewalika. Naya amazima galinti ibataka ino era isanyurira ebyelikukolela ngwnga no lulimi lwaiswe. nolwekyo nasigala nga impulisisha

Tomusange Joyce .

19.05.2015 08:10

Mukaagwa Sowate Samson, weebale okwegaita oku Lugandalusogaljgweere commission. Naye ng'osiriikiriire ino? Watwiiriryeemu amaani okuwaandiika tate n'omala n'ogota ?

Tomusange Joyce N

11.05.2015 04:30

Munaisu weena eyeegayitire oku website eno omu Lugwere twakusanyukiire .Weebale ino okutwegaitako.Atyano ekyetukusaba,oyongereremu l
kimo amaani oweereryenga buli kiwono ekisa eky'omayite okumukut

Tomusange Joyce N.

11.05.2015 03:56

Wali okitegedde nti OBUWANGWA kitegeeza ggwe wennyini? Kale bukuume osobole oku beerawo.

Sowate Samson

31.03.2015 14:49

Mwemale okwiiza banange. tubaaniriza era tusiimire omulama gwe muliku. twabawagira

Henry Nsubuga

17.07.2014 07:25

Muky. Nankinga Margaret ne banno tusiima obuweereza bwammwe, mugende mu maaso n'okutema empenda ez'okuyitamu okutumbula ennimi ennansi.

Margaret Nankinga

17.07.2014 07:57

Ssebo weebale kusiima naye ffe tetulina kye tusobola kukola nga temutwegasseeko. Tulina entegeka ze tugenda okubanjulira mu kiseera ekitali ky'ewala nga tusaba mwenna mutwegatteko tutumbule ennimi ennansi.

Lipoota eraga ebyazuulwa mu kunoonyereza okwakolebwa ku bitabo ebisomebwa  abaana abato, okuva mu nassale okutuuka ku kyokusatu nga biwandiikiddwa mu nnimi ennansi efulumye. Okunoonyereza kuno kwakolebwa mu 2014 mu mawanga 11 aga Afrika nga kwali kukulirwa ekibiina kya Research Triangle International (RTI) nga kiyambibwako aba  blue Tree Group (bTG) ne African Academy Of Languages (ACALAN).

Latest comments

29.11 | 05:08

Nzjaako akatinko in English

30.10 | 17:22

Thanks for the updates.

19.10 | 20:16

Bamuyita batya

19.10 | 20:14

Kyayi mu luganda

Share this page